அமாவாசை!!!

   

பிறக்குமது வன்றியே ஏழுதோற்றத்துள்ளும்  

பேராக நாலுவகை யோனிக்குள்ளும்

    பிறக்குமது பொறிஐந்தால் கோடாகோடி
     பிணமாகிப்  பிறக்கமட்டும் மாய்கையாலே  
   திறக்குமிது மேல்வாசல் சங்குமூச்சு
     செல்லயிலே விந்துள்ளாய் ஆத்துமாச்செல்லும்!!!
    மறக்குமிது வரைகளிலே செனிப்பதில்லை
       மனஞ்சென்ற  இடங்களிலே பிறப்புஉண்டாமே!!!

 உண்டான மாதாவும் பிதாவுமாண்டால்

     உத்தமனே தற்பனங்கள் செய்வோம்என்பார் 
      பற்றான கிரியையொடு சரியைக்கெல்லாம் 
   பரிசுகெட்ட நினைவாலே நிறைத்துதானும்
   கொண்டாடித் தற்பனங்கள் செய்வோம்என்பார்
     குரும்பரப்பா  எள்ளோடு தண்ணீர்வார்ப்பார்
     தெண்டனிடு வார்கோயில் தோறுஞ்சென்று
     தெளிவற்றே  தெளியார்கள் அலைவார்தானே!!!

அலைவார்கள் அவரவர்கள் தேசவாழ்க்கை!!
        அமாவாசை விரதமென்பார் திதிகள் செய்வார்!
உலைவார்கள் வேதியற்கு அன்னம்ஈய்ந்து !!!   
        உறுதியாய்ப் பிண்டமிட்டு பிதிர்க்குப்பூஜை!
மலையாமற் கொடுப்பார்கள் எள்ளுந்தண்ணீர்  !!
      வார்ப்பார்கள் வேதமுறை வளப்பமாக!
நிலையான விந்துகெட்டுப் பிணமாய்ப்போனால்!!
     நீயார்க்குத் தற்பனங்கள் செய்யும்வாரே.!

       வாரான  பிதுர்கன்மம் யோகிதீர்ப்பான்  !

     மற்றவர்க்கு வாராது லுத்தமாண்பர்  !

   நீறான பிணத்துக்குப் பிண்டமேது???

        நீதிகெட்ட  எள்ளுநீர் வார்ப்பதேது ???

        தூறான வேதநூல் பார்த்துவாசி !

    

  கழன்றலைவார் உலகமெல்லாம் சுத்தமாடு !!
       தேறாத பசுக்களப்பா மாய்கைக்குள்ளே !
            சிக்கினாற் பிறப்பிறப்பிற் சிக்கினாரே.!!!      
  

சிக்காமல் சொல்லுகிறேன் புலத்தியனே கேளு
தேசத்தோ டொத்துணியாய் வாழாதப்பா
சொக்காதே யிருந்தல்லோ சாக்கிரத்திற்
சுருதியந்த ஆக்கினையி லகாரந்தொட்டு
மக்காத கீழ்படியில் மகாரந்தொட்டு
வாசமா மிடகலையில் வகாரந்தொட்டு
புக்காதே பின்கலையிற் சிகரந்தொட்டு
பூட்டப்பா ரிதுவல்லோ அமாவாசையெண்ணே.


அமாவாசை பூரணையிற் பிதிர்மாதா கன்மம்
ஆகாகா விந்துநா தத்துட்பாரு
நமவசி விந்துவிலே நாட்டமூணு
நாலான பூரணத்தை மேலேதாக்கு
சமராகி விந்துவோடு நாதம்ரெண்டுஞ்
சமரசமாம் அமாவாசைக் குள்ளேதாக்கி
யிமையோடு விழியூட்டு சோமசூர்யன்
யிகபரமாய் ஒளிவீசும் திதியிதாச்சே.

திதிசடங்குக் கமாவாசை குள்ளேசென்று

திருப்தியா மிப்படியே சிவயோகமப்பா

கெதிமோட்ச மிதுவல்லோ சற்புத்திரராதி

கெடியாக அமாவாசை யறிந்தோர்க்கையா

பிதிர்சூட்சம் மாதாவின் சூட்சஞ்சொன்னேன்

பிதற்றாதே யெழுகோடி பிதிர்க்குமுத்தி

மதிகெட்ட மாணாக்கள் தோற்றமெழில்

வங்கிஷமு முத்திபெறு மாதாந்தத்தே.

---  அகத்தியர்.