போகர் ஏழாயிரம்

காணவே பிரபஞ்ச வாழ்க்கையற்று 

காசினியிலிருந்தாலும் வொன்றுமில்லை

பூணவே நவகோடி திரவியங்கள் பூவுலகில் 

தேடியென்ன லாபமில்லை

நாணமுடன் வுலகுதனில் வாழ்ந்துமென்ன 

நாதாந்தப் பேரொளியைக் கண்டுமென்ன

வேணபடி யுலகமெலாம் ஒருகுடைக்கீழ் வுத்தமனே 

யாண்டாலும் ஒன்றுங்காணே

ஒன்றான தேகமது பொய்யேவாழ்வு ஓகோகோ 

நாதாக்கள் யாரிருந்தார்

குன்றான கல்லதுபோல் தேகந்தானும் குவலயத்தி 

லிருந்தாலும் ஒன்றுமில்லை

தன்றான தேகமது இரும்பானாலும் தாரிணியில் 

நில்லாது மெய்யேயாகும்

சென்றாலுங் காயமது போவதுண்மை சடலமழிந்து 

போகுவதும் வண்மைதானே

காணவே காயாதிக்கொண்டுமென்ன கலியுகத்தில் 

கோடிவரை யிருந்துமென்ன

வேணபடி வேதநூல் செய்துமென்ன விட்டகுறை 

யிருந்தென்ன போயுமென்ன

பூணவே சமுசார வாழ்க்கையற்று பூவுலகி 

லிருந்தென்ன மடிந்துமென்ன

தோணவே சின்மயத்தை கடந்துமென்ன 

தொல்லையெல்லா மற்றாலும் ஒன்றுங்காணே

ஒன்றான தேகமது பொய்யேவாழ்வு 

வுத்தமனே லோகத்திலொன்றுமில்லை

பன்றான பொய்களவு யாவுமுண்டு பாரினில் 

விசுவாசம் அருளுமில்லை

குன்றான விசுவாச மருள்கொண்டாலும் 

குவலயத்தி லொன்றுமில்லை பாழுபாழே

தன்றான வையகத்து வாழ்க்கையெல்லாம் தாரிணியில்

இப்படியே மேவலாச்சே

                                                                              --- போகர் ஏழாயிரம்

அறிவியல் --- திருமந்திரம்

அறிவியல் --- திருமந்திரம் 

பொதுவாகவே விஞ்ஞானிகள் பேச்சு வேடிக்கையாக இருக்கும் அல்லது எரிச்சல் வரும் . ஆனால் கலைக்கதிர் அறிவியல் டாக்டர் "க.மணி" என்பவர் ரேடியோவில் பேசும் போது அவரது ரசிகனாகி இருக்கிறேன் .., அழகாக ஆழமாக , தெளிவாக ஒவ்வொரு கருத்தையும் நிறைவாக பதிவு செய்வார் .., இறை என்ற பிரபஞ்ச சக்தி உண்டு என்று உறுதியாக கூறுவார் .., அவரது "அணு ,உயிர் ,அண்டம் "எனும் புத்தகங்கத்தில் இருந்து ஒரு துணுக்கு செய்தி :-

எலெக்ட்ரானுக்கு அதன் இருப்பிடமும் ,வேகமும் ஒரே சமயத்தில் துல்லியமாக இருப்பதில்லை ,பரவி இருக்கும் போது தன் இருப்பிடத்தையும் ,தனித்து இருக்கும் போது தனது பரவுதலையும் எலெக்ட்ரானே அறிந்து கொள்ள முடியாத நிலை இருக்கிறது .

மரத்தில் மறைந்தது மாமத யானை
மரத்தை மறைத்தது மாமத யானை
பரத்தில் மறைந்தது பார் முதற் பூதம்
பரத்தை மறைத்தது பார் முதற் பூதம்

என்ற திருமூலரின் திருவாக்கு நினைவுக்கு வருகிறது ., மரத்தில் செய்த யானையைப் பார்த்து குழந்தை அஞ்சுகிறது .அப்போது யானை என்ற விலங்கின் உருவத்தில் மரம் மறைந்து விட்டது .சிலையைத் தட்டிக்காட்டி குழந்தையின் பயத்தை நீக்கிய பின் மரம் வெளிப்பட்டு யானை மறைந்துவிடுகிறது .ஒரே சமயத்தில் நமக்கு யானை என்ற பயமும் ,மரம் என்ற தெளிவும் எற்ப்படுவதில்லை .தெளிவு வந்ததும் பயம் இருப்பதில்லை ., பயம் இருந்த போது தெளிவு நிச்சியம் அங்கே இல்லை ., இது தான் நிச்சியமிமைக் கோட்பாடு ! --

1)இது அவர்கள் அறிவியல் பார்வையில் எலெக்ட்ரானை ஒத்து உவமை செல்கிறது

2)இதே பாடலுக்கு உரை பலவாறாக பிரிக்கலாம் ., பிரித்து கூறியிருக்கிறார்கள்

3)ஆனால் தூய மெய்ஞானப் பாதையில் இன்னும் அறிவியலைத் தாண்டி ஒரு பேரானந்த பராபர விளக்கம் இருக்கும் ..

இதனால் தான் சித்தர் பாடல்களுக்கு பொருள் எடுத்து கொள்ளும் விதம் .., அவரவர் ஆன்ம நிலைக்கு ஏற்ப அமையும் என்பார்கள் .,அதனால் தான் சித்தர் பாடல்களுக்கு அபத்தமான பொருள் வேண்டாம் எனக் கூறினோம் .


இறை தரிசனம் பெற்ற நால்வர்கள் திருமறை ., சிவபுராணம் ., கந்த சஷ்டி ., சமயக் குரவர்கள் கொடிக்கவித் துதி , திருப்புகழ் ,திருப்பாவை போன்ற பாடல்களை தொடர்ந்து பாடப் பாட சுவாசக் களைகளும் சீர்பெறும் எத்தனையோ நன்மைகளும் இறை அருளோடு கிடைக்கும் .
ஆனால் தற்போது சித்தர் பாடல்களைப் பலரும் படிப்பது .பொருள் கண்டுபிடிக்க முயல்வது ., வீண் ஆராய்ச்சி , தேடல் என்று காலம் தான் செலவாகிறது . அதனால் சித்தர் பாடல்களை படிக்க வேண்டாம் என்று சொல்லவில்லை ஓரிரு முறை படித்து சிந்தித்தல் ,மகிழ்தளோடு நலம் . ஏனனெனில் அவரவர் வினைக்கேற்ப தான் அனைத்தும் நடக்கும் .., கர்ம வினையை குறைக்கும் மார்கத்தை முதலில் தெளிந்து நடத்தல் வேண்டும் .., எடுத்து கொள்வது அவரவர் மனப்பாங்கு . திருமறை பதிகங்கள் , திருப்புகழ் ,சிவபுராணம் ., கந்த சஷ்டி .,திருப்பாவை கொடிக்கவித் துதி இவற்றில் அனைத்து வேதச் சாரங்களும் உள்ளன

"ககோள வாசகம்"

[ஆகஸ்ட் 2013] அகஸ்தியர் விஜயம் மாத இதழில் இருந்து தொகுத்தவை பின்வருமாறு : -

****சிவலிங்கத்தின் தெய்வீகத்தை ., விளக்கிட எட்டு தத்துவங்கள்ள வரும் ., நிலம் ,நீர் , நெருப்பு ,காற்று ,ஆகாயம் ஆகிய பஞ்சபூத ஐந்தோடு ., சூரியத்துவம் ., சந்திரத்துவம் ,ஆன்மா[எஜமானத்துவம்] சேர்ந்து எட்டாகும் .சிவலிங்கத்தின் இந்த ஆன்மா [எஜமானத்துவம்] தத்துவ சக்தியை ககோள பவனமாய் விளக்கியவர் ககோள மகரிஷி 

**** கேதார்நாத்தின் சுற்றிப்புற மலைச் சிகரம் ஒன்றில் நெற்றித் திலகம் இட்டது போல் இருக்கும் . இதைக் கொண்டே "ககோள வாசகம்" என்று முன்னரே ஸ்ரீ அகஸ்திய விஜயம் ,விஜய [ஏப்ரல் 2013] தமிழ் வருடப் புத்தாண்டுச் சிறப்பிதழின் அட்டைப்படத்தின் ராசிச் சக்கரத்தில் மத்தியில் திலகத்துடன் சூக்குமமாய் குருவருளால் மத்தியில் செதுக்கி அளிக்கப் பெற்றுள்ளது . கேதார்நாத் யாத்திரை விஜயத்தின் போது ,கேதார மலை ஒன்றில் .,இதனை தரிசிக்க வைத்த சத்குரு வேங்கடராம ஸ்வாமிகள் ., இதனை பூவுலகின் "ரசஷ பிந்து " [ககோளத் திலகம்] என்று விளக்கினார் ., இந்த ரசஷ பிந்துவில் ஏற்படும் மாற்றங்கள் ., நுண்ணியமாய் தீர்க தரிசனமாய் ., உலக நிகழ்வுகளை உணர்விக்க வல்லன ..... மேலும் விளக்கங்களுக்கு [ஆகஸ்ட் 2013] மாத ஸ்ரீ அகஸ்தியர் விஜயம் மாத இதழை பார்க்கவும் .,

ஸ்ரீ அகஸ்தியர் விஜயம் மாத இதழ் கிடைக்குமிடங்கள் :http://www.agasthiar.org/store.htm மாத இதழ் விலை 20ரூபாய்