(உறக்கம்) (கனவு...)

••• இயக்காமையில் இயங்கும் இயக்கத்தில் தாம் இறை ரகசியங்கள் புனலாகும்..!!!

••• நாம் இயக்காமல் நம்முள் தா(மே)னே !!! இயங்கும் சுவாசம் , நாடித் துடிப்பு , இமை அசைவு.., போன்றவற்றில் தான் காலத்தை கடக்கும் கால்மார்த்தண்ட ரகசியங்கள் மிளிர்கின்றன....!!!

••• இஃதே போல் மனம் , புத்தி ,செயல் , எண்ணம் .. அனனத்தும் தனி ஒரு விந்தை இயக்கமாய் நடக்கும் .. நாமாய்.. இயக்காமல்.. இயங்கும் தானியங்கியாய் நிகழ்கின்ற (உறக்கம்) (கனவு...)

===========================================================

••• ஸ்ரீஅகஸ்திய விஜயம் இதழிலிருந்து :-

••• ஒவ்வொரு ஜீவனின் அன்றைய தூக்கத்தின் பொழுது எழ வேண்டிய கனவு என்ன என்பதை நிர்ணயிப்பதற்காகவே தனியாக ஒரு கனவு உலகமே இயங்கிவருகிறது என்றால் ., வியப்பாக இருக்கிறதல்லவா !! ஆனால் அது உண்மையே !!!

••• நம் கண்களுக்குத் தெரியக் கூடய ஸ்தூல உடலுக்குரித்தான [physical Body ] ஒன்பது விதமான வெவ்வேறு சூட்சும [ சாதாரண கண்களுக்குப் புலப்படாத ] உடல்கள் உண்டு என்பதை நாம அறிவொம் .
••• அவ்வொன்பது உடல்களுள் ஒன்றான ஸ்வரித ஸ்வப்ன அதாவது கனவுலக உடலில் நாம் சஞ்சரிக்கும், பொழுது அவ்வுடல் மூலமாக செய்யும் காரியங்களும் மற்றும் அவ்வுடலுக்கு உரித்தான சூட்சுமக் கண்களால் காணும் காட்சிகளுமே கனவுகளாகின்றன ...!!!

•••ஆகவே கனவு என்பது ஒரு சூட்சும சரீரத்தில் பிரவேசித்து , அதில் நாம் சஞ்சாரம் செய்யும் ஓர் உண்மை நிகழ்ச்சியே அன்றி இதில் எந்த விதமான கற்பனையும் இல்லை ..,

••• எவருடைய மனிதிலும் எழும் எண்ணங்களைக் கூடக் கற்பனை என்று சொல்வது தவறு ., கற்பனையும் ஒருவித சூட்சும சஞ்சாரமே என்று அறிந்திட வேண்டும் ...!!!

••• கனவுலகில் நமக்குள்ள கண்கள் வேறு , இந்தப் பூதவுடலிலுள்ள கண்கள் வேறு . கனவுலகில் உள்ள மனமும் இப்பூதவுடலுக்கான மனமும் நெருங்கிய தொடர்புடையவை ஆதலின் சில கனவுகள் நினைவிற்கு வருகின்றன ,

••• அதாவது பூலோக நிகழ்ச்சிகள் சமந்தப்பட்ட கனவுலக காரியங்கள் மட்டுமே நினைவிற்கு அனுப்பப்படுகின்றன ..,

••• நினைவிற்கு வராத எத்தனையோ ஆயிரம் நிகழ்ச்சிகள் அனைத்தும் மூளையில் உள்ள கோடிக்கணக்கான செல்களில் பதிவு செய்யப்படுகின்றன .

••• அந்தந்த நாள் , நட்சத்திரம் வளர்பிறை/தேய்பிறைக்கேற்ப கால்கட்டை விரல்களிலும் , நாபியிலும் , தலையைச் சுற்றி நெற்றிப்பட்டை போலும் , உடலைச் சுற்றி யோகப்பட்டை போலும் சிலவிதமான மூலிகைகளைக் கவசமாக அணிந்திடில்

••• கனவுகளின் நிலைமாறுவதுடன் மற்றொவருடைய கனவில் புகுந்து நற்காரியங்களை நிறைவேற்றுகின்ற வல்லமையும் கிட்டும் . இவ்வகையில் தான் யோகியர்களும் , மஹரிஷிகளும் மூலிகா பந்தன முறைப்படி பக்தர்களின் கனவில் தோன்றிப் பிராயச்சித்த முறைகளை அளிக்கின்றனர்..,

••• சயன நிலைகளை கொண்டு கனவுகளை ஆளும் முறைகளும் உண்டு . இவையெல்லாம் ஆன்மீக இரகசியங்களாகும் ..., ஏனெனில் ஒருவருடைய கனவில் பங்கேற்று சில கர்மவினைகளைக் கழிக்கும் ஆன்மீக அற்புதங்கள் பல உண்டு ...!!!!

••• கனவுகளை ஆள்வதினால் என்ன பலன்கள் ஏற்படுகின்றன ? நாம் பிறவியெடுத்தற்கான கர்மவினைகளில் பலவற்றைக் கனவுகளிலேயே கழிக்க கூடிய ஆன்மீக முறைகள் உண்டு!!

••• எவ்வாறு கனவினைப் பொய் என்று விழித்தவுடன் உணர்கின்றறோமோ அதே போல இந்த விழிப்பு நிலை வாழ்வும் ஒரு மாயையே !! இந்த விழிப்பு நிலை உண்மை என்றால் விழிப்பு நிலைச் சூழ்நிலைகள் , உறவுகள் , நேரம் , வயது அனைத்தும் கனவில் அப்படியே தொடர வேண்டுமல்லவா ???

•••இதற்கு சித்த புருஷர்கள் அளிக்கின்ற விளக்கம் என்ன ?

••• ஒருவனுடைய உண்மையான நிலையை – விழிப்பு நிலை , கனவு நிலை , இரண்டும் மாயையே – என்பதை எப்போது உணரலாம் ? இந்த தேகத்தில் உணர முடியுமா ? முடியும் !!!

1) எப்போது தூங்குகின்றோம் என்பதை அறிந்தால்
2) விழித்து எழுகின்ற அந்த கண் சிமிட்டும் நேரம் – அதாவது விழிப்பு நிலைக்கும் , கனவு நிலைக்கும் இடைப்பட்ட அந்த சிறு கால அளவு...

••• இவ்விரண்டில் எதை உணர்ந்தாலும் மாய நிலையை அறியலாம்....

••• உறங்கும் போது எல்லாருக்குமே உள்உடலும் (உள்மெய்ச் சரீரமும் ) வெளி (உலகங்களுக்குப் பூர்வ ஜன்ம வாசனைப்படி ) செல்லும் , இவ்வகையில் பிற பூமிகளில் விளையும் , அனுபவிக்கும் நிகழ்ச்சிகளே கனவுகள் ஆகின்றன , நாம் வசிக்கும் பூமிக்குள்ளும் நம் உட்டரீரப் பயணம் கனவாயும் நிகழ்வதும் உண்டு .

•••மனித வாழ்க்கையில் கிட்டத்தட்டப் பாதி காலம் உறக்கத்தில் செல்வதால் , உறங்கும் முறை , எழும் முறை , உறக்கத்தின் நிலை பற்றி அறிதலும் மனித வாழ்க்கையின் யோக இலக்கணமே ஆகும்.

•••இலக்கணம் இன்றி எம்மொழியும் சிறக்காது , யோகம் தான் மனித வாழ்வு மொழிக்கான இலக்கணம் , சுவாசம் ஓடுவதும் யோகமே ....!!!!

••• --- மேலும் ழுழு மகா திவ்ய விளக்கங்களுக்கு ஸ்ரீஅகஸ்திய விஜயம் நவம்பர்2004 ., ஜனவரி 2002 ., ஜுலை 2010 ., ஃபிப்ரவரி 1998 இதழ்களில் காண்க....,

=========================================================
••• (அடுத்த பதிவிற்க்கு முன் .., இப் பதிவின் நோக்கம் முக்கியதுவத்தை பற்றி முழுமையாக உணர அனனவரும் “INCEPTION” என்ற ஆங்கில படத்தை தமிழ் மொழிபெயர்ப்பில் பாருங்கள்...., கண்டிப்பாக அனைவரும் பார்க்க வேண்டிய படம் வலுக்கட்டாயமாக....)

••• உறங்கும் முன் செய்ய வேண்டிய ஆத்ம விசாரம் ராத்ரி சூக்தம் தமிழ் துதி .., மற்றும் எழுந்தவுடன் செய்ய வேண்டிய கர தரிசனம் பற்றி அடுத்த பதிவில்...,

••• உண்மையில் உண்மையான ஆன்மீகமே ஆன்மீகத்தின் ஆரம்பமே இதுதான் ..., கர்மா , மாயை , என அனனத்தையும் உணர்த்த .., உணர்விக்க வல்ல உன்னத மார்கம் ...., உணர்வார் யாரோ .. உணர்ந்து கடைபிடிப்பார் யாரோ அவர் தாமே உத்தம பாக்கியசாலிகள் ....

பாலியல் துன்பங்கள் ...,

••• பொதுவாய் , குழந்தைகளுக்கு , சிறுவர் , சிறுமியருக்கு தற்காலத்தில் ஏற்படும் வெளிச் சொல்ல இயலாத இன்னல்கள் , கொடுமையான பாலியில் துன்பங்கள் முற்றிலுமாய் உலகச் சமுதாயத்தை விட்டே அகன்றாக வேண்டும் ..,

••• இவைப் பற்றி செய்திதாளில் படித்து விட்டு ஒன்றுமே செய்யாது வெறுமனே மனதால் வேதனைப் படுவதை விட ., “ நமக்கென்ன வந்த்து?” என்று எண்ணி ஒதுங்குவதை விட , இதனைச் சமுதாயப் பெரு நோயாய் , பெருங்ககேடாய்க் கொண்டு முற்றிலுமாய் இதனைக் களைந்திட இத்தகைய வழிபாடுகளை ஒவ்வொரு பெற்றோரும் ஆற்றி வர வேண்டும்...,

••• நடப்பு உலகில் குழந்தை , சிறுவர் , சிறுமியர் குலத்திற்கு ஏற்படும் கொடுமையான இன்னல்களை வேறோடு களைவதற்கு – மதுரை – அரசரடியில் உள்ள மஹான் ஸ்ரீகுழந்தையானந்த சுவாமி ஜீவாலயத்தில் பாலில் தேன் கலந்து அபிஷேக ஆராதனைகளை நிகழ்த்தி வர வேண்டும்.

••• உலகெங்கும் உள்ள குழந்தைக் குலமானது தக்க காப்பு சக்திகளை அடைவதற்கு ஒவ்வொரு பெற்றோரும் தம் வாழ்க்கைக் கடமையாய் குடவாசல் அருகே காப்பனாமங்கலம் , மயிலாடுதுறை ஆடுதுறை அருகே உள்ள வெள்ளை வேம்பு மாரியம்மன் ஆலயத்தில் பேச்சியம்மன் மற்றும் மன்னார்குடி அருகே மதுக்கூர் பிரமையா சித்தர் ஜீவாலயத்தில் தகுந்த படையல் வழிபாடுகளை ஆற்றி வரவும்..

••• தற்கால உலகச் சமுதாயத்தில் சிறு பிள்ளைக் குலத்திற்கு இழைக்கப் பெறும் அவலமான பாலியில் துன்பங்களை அகற்றுவதற்கும் , பிள்ளைகள் நன்முறையில் உலகச் சமுதாயத்தில் பண்புடன் வளர்வதற்கும் உச்சிஷ்ட கணபதிக்கு சிதறுகாய் உடைத்தல் ,நிறைய அபிஷேக ஆராதனைகள் ,

••• சிறுவாச்சூர் மதுரகாளி அம்மன் , ஆலயத்தில் உரலில் மாவு இடித்து மாவிளக்குப் பூஜை ஆற்றுதல் , வலங்கைமான் பாடைகட்டி மாரியம்மன் ஆலயத்தில் அங்கப் பிரதட்சணம் ஆற்றுதல் , பாடைக் காவடி எடுத்தல் போன்றவற்றைச் சமுதாய நலவள இறைப் பணிகளாய் ஆற்றிடவும்..
.

••• இதற்காய் பாலாம்பிகை , பாலாம்பாள் , உச்சிஷ்ட கணபதி , கருப்பண்ண சுவாமி , பேச்சியம்மன் மூர்த்திகளுக்கு விஷேமான வகையில் – பரிசுத்த நாளும் , புத்திகாரகரான புதன் கிரகத்துக்கு உரித்தான – புதன் கிழமை தோறும் வெண்ணைக் காப்பு சார்த்தி , சங்காபிஷேகப் பூஜைகளை அடிக்கடி நிகழ்த்தி திரட்டுப் பால படைத்து தானமளித்தும் வர வேண்டும்.

--- ஸ்ரீஅகஸ்திய விஜயம் பிப்ரவரி 2014 ,

=====================================

ஏம்பல் சிவாலய மகிமை

••• உட்கார்ந்த/படுத்த நிலைகளில் கால்களை ஆட்டக் கூடாது ., வலது காலை ஆட்டிடில் மூட்டு சம்பந்தமான நோய்களும் இடது காலை ஆட்டிடில் வாயு சம்பந்தமான பிடிப்புகளும் ஏற்படும் ...!!!

---- ஸ்ரீஅகஸ்திய விஜயம் 1996 ,ஆகஸ்ட் பக்கம் 4 .
============================================================
••• பூவுலகின் யோகப் பட்டறை , ஏம்பல் சிவக்காணி !!!

••• ஏம்பல் தலத்தில் கால் பட்டால் பத யோகம் , பாத யோகம் , கை பட்டால் கரயோகம் , மூச்சுக் காற்று பட்டால் பிராண யோகம் , கண்ணால் பார்த்தால் நேத்ரயோகம் , காதால் கேட்டால் கர்ணசிவயோகம் ,

••• அமர்ந்தால் குடயோகம் , நின்றால் தம்பயோகம் , மேலே பார்த்தால் ஊர்தவ யோகம் ,கீழே பார்த்தால் வீழியோகம் ... என்று வைரவ யோக வாக்கியங்கள் ,

••• இத்தலத்தின் யோகப்ரகாச மகத்துவத்தை யோகமணத்துடன் பேசும் , அதாவது மொத்தத்தில் , யோகமே அறியாது யோகிக்க வைக்க வல்ல யோகசக்தி பூமியுமே ஏம்பல் சிவதளம் .

••• திருவையாறு தலத்தில் அகத்தியர் குறுமுனியாகும் அனுபூதி நிகழ்ந்தது . பிற தலங்கள் போல் அன்றி , ஏம்பல் ஆலயத்தில் அகஸ்திய மஹாபிரவு தம்முடைய ஆதிகாலத் தோற்றத்துடன் காட்சி தந்தருள்கின்றார் ...

••• நல்ல உயரத்துடன் , பைரவ யோகக் கனலில் இளைத்த மாமுனிச் சரீரியாய் அகஸ்திய மஹாபிரபு இங்கு தோன்றி இருப்பது , தொன்மையிலும் தொன்மையான திருவையாற்றுக்கும் மூத்த தலமாய் ஏம்பல் யோக பூமியைப் புலர்விக்கின்றது ...,

••• சிவம் நன்கு கனியும் சிவக்காணி யோக பூமியான ஏம்பல் கிராமம் , முற்காலத்தில் பூவுலகின் மகத்தான யோகப் பட்டறையாகவும் மிளிந்ததாகும் .., யோகம் என்பது மனிதனின் உள்ளம் , அறிவு , புத்தி , மனம் , உடல் ஆகிய ஐந்தையும் ஒருமித்துச் செயல்பட வைப்பது தானே .

••• கலி மனிதனுடைய துன்பங்களுக்கு மூல காரணம் , இவ்வைந்தும் ஒருமித்துச் செயல்படாதது தான் .., இந்த ஐந்தில் ஒவ்வொன்றும் வெவ்வெறு கோணங்களில் கலிமனிதனை இழுக்கின்றதே , என் செய்ய ? இதனைச் சீர்திருத்த வல்ல சிவயோக சக்தி பூமியுமே ஏம்பல்.

••• நந்தி மூர்த்தியின் பத்னீயான கர்ணமுடி தேவி இங்கு வழிபட்டே திருவையாற்றில் நந்தி மூர்த்தியை மணக்கும் பாக்கியம் பெற்றார் .
.
••• ஏம்பல் புண்ணிய பூமியில் நடந்தாலும் , ஓடினாலும் , அமர்ந்தாலும் ., நின்றாலும் , இருந்தாலும் யோகமே , யோகமே .., முற்காலத்தில் மகத்தான பைரவி உபாசனைக் கேந்திரமாய்ப் பொலிந்த தலம்.

---

ஏம்பல் சிவாலய மகிமை ..[ ஸ்ரீஅகஸ்திய விஜயம் வெளியீடு ]

“ போகட்டும் கிருஷ்ணனுக்கே”

••• திருஅண்ணாமலை ஸ்ரீஅருணாசலேஸ்வரர் கோயிலில் எழுந்தருளி இருக்கும் குழலேந்திய கண்ண பரமாத்மாவிடம் , “ போகட்டும் கிருஷ்ணனுக்கே” என்று சொல்லி அருணாசல கிரிவலப் பலாபலன்களை ஆத்மார்த்தமாய் அர்ப்பணிப்போருக்கு , கோபாலனாம் கண்ணபிரானின் குழலோசை நிச்சியமாய்க் கேட்குமாம் ...!!!

••• அருணாசல சேவை , வழிபாடு , புண்ணியம் என்றால் , அதன் மகத்துவமே தனி , இத்தலத்தில் புண்ணியத்தை அர்ப்பணித்தாலும் ., இதிலும் விஷேசமான அருள் அறுவடை ஆகும்....,

••• இது தியாகத்தால் கிட்டுவதால் , இதனை அர்ப்பணிக்கத் தேவையில்லை , அர்ப்பணிக்கவும் இயலாது . , என்றும் வாழும் ஏகாந்த ஜோதியாய்ப் பிரகாசிக்கும் தியாக தீபங்களான அவரவருக்குரிய சத்குருவை இக்கூடுதல் அருள் சென்றடையும்...,!!!

••• “எனவே , அருணாசலேஸ்வரர் கோயிலில் உள்ள ஸ்ரீவேணுகோபால கிருஷ்ணனின் சன்னதியில் “போகட்டும் கிருஷ்ணனுக்கே” என்று கிரிவலப் பலன்கள் , அனைத்தையும் மனதார அர்ப்பணித்து வருதல் , உத்தம சரணாகதிக்கு உதவும் ., இப்படி வாயால் வெறுமனே சொல்லி வந்தால் மட்டும் எல்லாமே அர்ப்பணம் ஆகிடுமா என்ற கேள்வி எழும்..

••• “என்று கிருஷ்ண பரமாத்மா சன்னதியில் இவ்வாறு அர்ப்பணிக்கையில் , இனிய குழலோசை , கேட்கின்றதோ , அன்றே இறைவனிடம் அனைத்துமே அர்ப்பணம் , ஆனதாய் ஆகும் அதுவரையில் , மனதார எதையும் அர்ப்பணிக்கவில்லை , என்றே அர்த்தம் ...!!!!

---- ஸ்ரீ அகஸ்திய விஜயம் ஜுன் 2014
========================================================

••• மேலும் , “போகட்டும் கிருஷ்ணனுக்கே” என்ற சின்னஞ்சிறு வாக்கியமானது , தொடர்ந்து ஒவ்வொரு பூஜை , வழிபாட்டுக்குப் பின்னும் சொல்லப்பட்டும் வந்தால் ,

••• பற்பல அதியற்புத ஆன்மீகக் காட்சிகள் , ஆத்ம தரிசனங்கள் , ஆன்மார்த்த விளக்கங்கள் அவரவருக்காய் எவ்வகையிலேனும் வந்துக் கிட்டிக் கொண்டே இருக்கும் ... இதனையும் வாழ்வில் பெற்று வந்து , உண்மையான ஆனந்தத்தைப் பெறலாமே ....!!!!

••• எதையுமே சற்றேனும் கடைபிடித்துப் பார்த்தால் தானே ஐயா , அதிசிறப்பான ஆத்மானுபூதி கிட்டும் .ஒன்றுமே செய்யாமல் , வெறுமனே படித்தோ ., ஈஸிசேரில் அமர்ந்து காலாட்டிக் கொண்டு வாசித்தாலோ ஒன்றுமே விளங்காது , புரிந்தது போல் இருப்பதுவும் மறந்து விடும் ..., நடைமுறையிலும் வந்து நிறையாது....!!!

••• ஆக , இவ்வாறு தன்னைத் தானே உணர்விக்கும் ஆத்ம சங்கல்ப சூக்த சூத்திரச் சிறு மந்திரமுமே “ போகட்டும் கிருஷ்ணனுக்கே “ என்ற எளிய சங்கல்ப வாக்கிய திருமந்திரப் பிரபந்தம்...!!!

••• கிருஷ்ண பரதேசிச் சித்தரின் அருணாசல சிவகிருஷ்ணப் பாசுரம்
   ".......கோலோகத் திரும்புதலால் கோபரிகள் மனஞ்சோரக் கண்டனர்
              மாலோலன் எங்குறைவான் யாரரிவார் என்றரிய வேண்டுவர்
                   சாலோகந் தந்ததிரு மாலவனைத் தேடுவார் ஓடுவார்
              பாலோகப் பாசுரத்துப் பரிமளிப்பு ராதைவிழிக் கருணையால்
                   ஈலோக பூலோக மாலோக மாமறைகள் பரணியில்
                 ஓலோகக் கார்த்திகமா ரோகிணீய ஒளிச்சார சிவசுதம்
           ஆலோல தாமலத்து அப்புண்ய விருட்சமது அருனணயில்
          ஏலேலோ “போகட்டும் கண்ணனுக்கே” என்றவழி கோருவார்.........
                                                                         விட்ணு நன்னுவார்
                                                                                               சிவபதமாய்ச் சாருவார் "

••• ஒவ்வொரு அருணாசல கிரிவலத்தின் நிறைவிலும் , இந்த அர்ப்பண , சமர்ப்பணப் பாசுரத்தை ஓதி மலைவலப் பலாபலன்களை “போகட்டும் பரம்பொருளுக்கே “ என்று மனதாரக் கடவுளின் திருவடிகளில் அர்ப்பணிப்பது விஷேசமானது....,

--- ஸ்ரீஅகஸ்திய விஜயம் ஜனவரி 2013

அடிமை கண்ட ஆனந்தம்

••• பூர்வ ஜன்மப் புண்ய சக்திகள் நிறைந்தோர்க்கே - "அடிமை கண்ட ஆனந்த~(மா)~ம்~!!! (ஆம்) --- ஆமாம் ! ஆமாம் !!! --நிச்சியமாக !!!

==========================================================

••• குருகுல வாசம் என்பது சாசுவதமான , சிரஞ்சீவித்வம் பெற்ற ஞான பூர்வமான குரு-சிஷ்ய இறைப் பினணப்பாகும். எத்தனை கோடி யுகங்களானாலும் இது தெய்வீகத் தொடராகப் படர்ந்து , பரிமளித்துக் கொண்டே இருக்கும்.

••• இவ்வகையில் பள்ளிச் சிறுவனாய் , ஸ்ரீவெங்கடராமன் [குரு மங்கள கந்தர்வா] பெற்ற கலியுக குருகுலவாசமானது ,, பல கோடி யுகப் பரிணமிப்புச் சுடராய் பொலிந்து ,எத்தனையோ கோடி ஜீவன்களுக்குக் குருகுலவாச அனுபூதிகளைப் புகட்டி , இறை லட்சிய வாழ்கைக்கு நடைமுறைப் பாடங்களாகத் துலங்குகின்றது .

••• படித்து , உய்த்துத் துய்த்துப் பாருங்கள் ! எல்லோருக்கும் ஓவ்வோரு இடத்தில் உத்தம பொக்கிஷம் , நல்லதோர் பிராயச்சித்தம் , உன்னதப் பரிகாரம் , இறையுண்ர்வு பொங்குதல் ,

••• பளிச்சென்று பீறிட்டும் பீஜாட்சர ஒலிப் பரல் –இவ்வாறாக இன்னும் பலவும் தெய்வீகப் பரிசாய்ப் பதிந்து முகிழ்ப்பதை நீங்களே நிச்சியமாக உண்ர்வீர்கள் !!!

••• "அடிமை கண்ட ஆனந்தம்" எனும் இத்தொடரில் சற்குருநாதராம் குருமங்கள கந்தர்வா ஸ்ரீவெங்கடராமன் அவர்களுடைய குருகுலவாசத்திற்கு இட்டுச் செல்கின்றோம் .

••• பூர்வ ஜன்மப் புண்ய சக்திகள் நிறைந்தோர்க்கே இந்த அனுபூதிகளின் ஸ்பரிசம் கிட்டும் . இதன் கனிந்த பலன்களாய்க் குருவைத் தேடுவதற்கான நெஞ்சு நிறைந்த அருட் சாரல்களும் மகத்தான நல்மாற்றங்களும் அவரவர் வாழ்க்கையில் கூடி வரும்...

---- ஸ்ரீஅகஸ்திய விஜயம் ...!!!

===========================================================

••• குறிப்பு : இதுவரை 1993லியிருந்து ஸ்ரீஅகஸ்திய விஜயம் இதழில் நூற்றுக்கணக்கான அடிமை கண்ட ஆனந்த அனுபூதிகள் மலர்ந்திருக்கின்றன ... அஃதுதோடு தனி புத்தகங்களாக *அடிமை கண்ட ஆனந்தகள் 27பாகங்கள் வந்துள்ளன... வெறும் 20ருபாய் தான் ஒரு புத்தகம் படித்துப் பாருங்கள்....!!

••• ஸ்ரீஅகஸ்திய விஜயம் புத்தக நிலைய முகவரிகளை இனணப்பில் காணவும் : - http://www.agasthiar.org/store.htm

••• இதோ அடிமை கண்ட ஆனந்தத்தில் இருந்து சிறு துணுக்குள் படங்களில்....!!
===========================================================

••• 1,200ருக்கும் மேற்பட்ட சொற்பொழிவுகளிலும் .., 

ஸ்ரீ அகஸ்தியர் விஜயம் மாத இதழில் மூலம் 1993 இருந்து இன்று வரை அகஸ்தியர் கிரந்த வாக்கியங்களிலிருந்து அருட் பெரும் எண்ணற்ற தெய்வீக விளக்கங்களை அமிர்த மழையாய் வர்ஷித்து அளித்(த)து வரும்....,
                                            என்றென்றும் வாழும் ஏகாந்த ஜோதி
                                 "அருணாச்சல ஜோதி " "அலங்கார பீடாதிபதி "
                                      திருக்கயிலாய பொதியமுனிப் பரம்பரை
                                             1001வது குரு மஹா சன்னிதானம்
                                        சக்தி ஸ்ரீஅங்காள பரமேஸ்வரி அடிமை
                                                      "குரு மங்கள கந்தர்வா"
                     ஸ்ரீலஸ்ரீ சத்குரு வேங்கடராம சுவாமிகளின் குருஜெயந்தி
                                                           இன்று : 21-5-2014

••• கோவையில் உள்ள அன்பர்கள் முடிந்தால் இன்று கோவை அகஸ்திய விஜய கேந்திரால்யாவிற்கு வந்து குருஜெயந்தியில் கலந்து கொள்ளலாம் ..,

Sri Agasthia Vijaya Kendralaya Branch
Big Bell Complex
Shop Number 49, First Floor
Diwan Bahadur Road
(opp Sri Ratna Vinayaka Temple) near pazhlamuthir nilayam
R.S.Puram, Coimbatore 002

**** அடிமை கண்ட ஆனந்தத்தில் இருந்து சில துளிகள் ....

========================================================================

இந்த திவ்யானுபூதி எவருக்கும் எந்த நேரத்திலும் கிட்டிலாம் ..., !!! 

சிறுவனுக்கென்று வாய்த்த .... “அப்படியா சொல்ற” ....  என்ற பெரியவரின் குருமொழி வாக்கியச் சாரமும் “எக்காலத்தும் யாவர்க்கும் பலனளிக்கும் குருவனுபூதி வாக்கியம் ..!”

(((((((((((((**********)))))))))))

              எனவே , மறக்காமல் இந்த அனுபூதியின் வாக்படுத்வத்தைக் குறித்து வைத்துக் கொள்ள வேண்டும் .

^***   

^{‘குரு மஹா குரு தரிசன விழா’}

*அதிதிவ்யமான குருதரிசனக் கோலம்*

“ கோலமிது கோலமிது வரையாக் - கோலமிது

வாக்காலும் மனத்தாலும் நிறையாக் - கோலமிது

ஆலத்துத் தென்கோவின் அகத்தியப் புலநாதன்

அண்டி வந்து அருள்கின்ற பாமரத்துக் கோலமிது ”

                          ..............................             .........................................         .................................

    தலையில் விவசாயி போல் நீண்ட நீல நிறத் தலைப்பாகை | *இடதுபுறக் காதோரம் அந்த நீண்ட தலைப்பாகை முறம் போல் பரந்து , வளைந்து அழகாய் முதுகுப் பக்கம் கீழ் படர்ந்து இறங்கி இறகு போல் விரிந்து இருந்தது | * நெற்றியில் பளிச்சென்று திருமண் (நாமம்) ! | * கிருஷ்ண பரமாத்மாவின் புல்லாங்குழல் ஊதும் தோற்றம் போல் , நின்ற நிலையில் வலது காலைச் சற்றே முன்னே மடித்து சாய்ந்து நின்று இருந்தார் . | *ஆனால் கோவணாண்டிக் கோலம்தான்  இதில் மாற்றம் இல்லை . .,,, ஆனால் கோவணத்தின் வடிவமும் , நிறமும் வேறாய்த் தெரிந்தது .

    | கை மணிக் கட்டுக்களில் .... தோளில் ஏதேதோ அழகான வண்ணங்களில் காப்புக் கயிறுகள் .| * ஜம்மென்று முறுக்கி விளைந்திருக்கும் மீசை! | * கிராமீயச் சிரிப்பு | * கையில் அந்த மூங்கில் கழி! | * ஏழு முடிச்சுக்களும் அந்த மூங்கிலில் அப்படியே தென்ப்பட்டன . | *அந்த மூங்கில் கழியில் முகவாய்க் கட்டையைப் பதித்தவாறு பெரியவருக்கே உரித்தான பாணியில் தெய்வீகச் சிரிப்பு ....,

                 ||இவ்வாறாய் சற்றுச் சாய்ந்து நின்று காட்சி கொடுத்தார் பெரியவர்|| ...,

...................................,,,,

சிறுவன் அசந்தே போனான் ..,அவனால் பார்த்துப் பார்த்துச் சற்றும் மாளவில்லை ...,

                                                             .................................................,,,,,,,,,,,,,

    இந்தத் தலைப்பாகைலேந்து ., நாமத்துலேந்து முழங்கால் முட்டில இருக்குற சந்தனக் கீத்து வரைக்கும் ...எல்லாம் அந்தந்த லோகத்துக்குப் போய்ச் சேர வேண்டிய பொருளுங்கன்னு அப்பவே சொல்லிட்டேன் ...,

    இதெல்லாம் பூலோகத்துச் சரக்கு கெடயாது நயினா .. இந்த வேஷத்தைக் கலைச்சுட்டாக்க ... என்னதான் கோடி வருஷம் தபஸ் பண்ணினாலும் இதே மாதிரித் திரும்பி வராது  , என்ன புரியுதா? இதுக்கெல்லாம் .. பிற்காலத்துல ரொம்ப ரொம்ப அட்வான்ஸ்டு காமெரா எல்லாம் வர்றப் போகுது !

^{..................................... ,,,                                                                                        .................................................,,,,,,,,,,,,,}

    வாத்யாரே ... நீ விமானத்து மேல நெஜமாவே ஏறி நிக்கற மாதிரியே இருக்கு வாத்யாரே........

    என்று திரும்பிய பார்த்துப் பேச ஆரம்பித்தவன் ...

    பெரியவர் அங்கு இல்லாதது கண்டு திடுக்கிட்டான் .கோயில் முழுதும் சுற்றிப் பார்த்தும் அவரைக் காண முடியவில்லை!

    “ஒரு சமயத்துல ஒரு இடத்துல ஒரு வாத்யாரைத்தான் பார்க்கலாம்னு குருகுலவாசத்துல ஒரு தர்மச் சட்டம் ...” – இந்த சத்வாக்கியம் அவனுள் நன்றாய் ஒலித்தது . இப்போதும் உண்மையாகி விட்டது தானே .

    ‘ ஓ அதான் வாத்யார் உடனடியாய் இப்படி மறஞ்சுட்டாரோ ?.....’

    பிற்பாடு பெரியவர் , பூவுலகை விட்டுத் தன்னை முழுமையாய் மறைத்துக் கொண்ட பிறகும் கூட ...., அவ்வப்போது சிறுவன் இந்த ஆலயத்திற்கு வந்து , அந்த விமானத்தில் வடித்திருக்கும் பெரியவரின் பாமரக் கோலச் சிதை வடிவத்தை அடிக்கடி தரிசித்துக் கொண்டு வரலானான்..

 இப்போதும் நிகழ்ந்து வருவதே.!  

*அடிமை கண்ட ஆனந்தம்  - “அப்படியா சொல்ற” குருஅனுபூதி  --- [ நவம்பர் 2011 – மார்ச் 2012]

குருதரிசனக் கோல* மஹானுபூதி - [மார்ச் – ஆகஸ்ட் 2012] ஸ்ரீஅகஸ்திய விஜயம் மாத இதழ்.