“கனிந்த கனி” = மஹாபெரியவா

••• மிகவும் வயஸான ஒரு பாட்டிக்கு, தன் வீட்டிலும் ஹோமம் செய்ய வேண்டும் என்று மிகுந்த ஆசை. பெரியவாளிடம் அளவு கடந்த பக்தி. அப்போதெல்லாம் யாராவது தங்கள் க்ருஹத்திற்கு பெரியவாளை அழைத்தால், பெரியவாளின் திருவடிகள் அவ்வீடுகளில் கட்டாயம் பதியும். இந்தப் பாட்டியும் ஹோமத்துக்கு பெரியவாளை அழைக்க வேண்டும் என்று ரொம்ப ஆசைப்பட்டாள்.

••• பெரியவாளிடம் வேண்டிக்கொண்டதும், "அதுக்கென்ன? வரேனே" என்று சொல்லிவிட்டார்.

••• பாட்டிக்கோ பரம சந்தோஷம்! ஹோமத்துக்கு பார்த்துப் பார்த்து ஏற்பாடு பண்ணினாள். ஆயிற்று. ஹோமம் ஆரம்பித்தாகிவிட்டது.

•••"பெரியவா இன்னும் வரலியே!.." பாட்டி வாசலுக்கும் உள்ளுக்கும் நடையாய் நடந்து கொண்டிருந்தாள். பூர்ணாஹுதியைக் கூட கொஞ்சம் பொறுத்திருந்து பார்த்துவிட்டு செய்யலாம் என்று வேத ப்ராஹ்மணர்கள் சொன்னார்கள்.

•••அப்போதும் கூட பூர்ணாஹுதி குடுக்கும் வரை பெரியவா வரவேயில்லை. பாட்டிக்கு ஒரே சோகம். ஹோமப்ரஸாதம் எடுத்துக் கொண்டு பெரியவாளை தர்சனம் பண்ணச் சென்றாள்.

••• "பெரியவா ஹோமத்துக்கு வர்றதா சொன்னேள். ஆனா, வராம இருந்துட்டேளே!" தன் ஆதங்கத்தை பெரியவாளிடம் புலம்பினாள். அழகாக சிரித்துக் கொண்டே அவள்சொல்வதைக் கேட்டார்.

••• "நா, ஹோமத்துக்கு வரலேன்னு யார் சொன்னா? வந்தேனே!.."

••• பாட்டிக்கு ஒண்ணும் புரியவில்லை...................... வந்தாரா?

••• "என்னது? பெரியவா வந்தேளா? நேக்கு ஒண்ணும் புரியலே..."

••• "ஹோமத்தை போட்டோ எடுத்தியா?"

••• "எடுத்தா....."

••• "அதை ப்ரிண்ட் போட்டுப் பாரு"

••• பாட்டி உடனேயே போட்டோ எடுத்தவனை அதை ப்ரிண்ட் போடத் துரத்தினாள். வந்ததும் அவைகளைப் பார்த்தபோது, அதில் ஒன்று பூர்ணாஹுதி நடந்தபோது எடுக்கப்பட்ட படம்......

••• அந்த அக்னி ஜ்வாலை ஒரு ஆள் உயரத்திற்கு எழும்பி எரிகிறது.....அந்த ஜ்வாலை ஸாக்ஷாத் பெரியவா தண்டத்துடன் நிற்பது போலவே எரிந்து கொண்டிருந்தது! அந்த போட்டோ இன்றும் சேலத்தில் உள்ள ஸ்ரீ பெரியவா க்ருஹத்தில் உள்ளது.

••• "நா, ஹோமத்துக்கு வரலேன்னு யார் சொன்னா? வந்தேனே!.." பெரியவா சொன்னது எத்தனை சத்யம்!! பஞ்ச பூதங்களையும் படைத்தவன் எவனோ, அவனே இங்கே அக்னிஸ்வரூபமாக ப்ரத்யக்ஷமாக நிற்கிறான்!!

••• இதில் நம்முடைய பக்தியை விட, மஹான்களின் பரம கருணை, அவ்யாஜ கருணை ஒன்றினால் மட்டுமே இம்மாதிரி நடக்கும்.

===============================================
••• இந்த மேற்க்கண்ட பதிவை Chellappan Sairam.. அவர்கள்..., பற்பல மாதங்களுக்கு முன் பதிந்திருந்தார்கள்... .. பலரிடம் கேட்டிடுந்தேன்... ,

••• ஏதேற்ச்சியாக... இரு தினங்களுக்கு முன் sage of kanchi group'sல் Saraswathi Thyagarajan என்ற அன்பர் ..யாகத்தில் .. (சித்தர்களால் “கனிந்த கனி” என்றழைக்கப்படும்) மஹாபெரியவா படத்தை... பதிந்திருந்தார்..

••• அன்னாரிடம்... மேற்கூறிய *ஹோமானுபூதியில்* கனிந்த படமா இது.. என்ற உறுதி படுத்த கேட்டபொழுது அவரும்... “ஆமாம்” ..என்றார் ..,
 

••• அஃதே நீங்கள் இங்கு ஈண்டு காண்பதாம்...!!!

••• காஞ்சிகாமாட்சி அம்மாள்.. ஆலய தரிசன விதி முறை பற்றி அறிய 

•பல(த்த)• ஆன்மீக இரகசியங்களை உள்ளடக்கிய... டிசம்பர் 1993 ஸ்ரீஅகஸ்திய விஜயம் இதழின் ..,  2ஆம் பக்கம்.. பாருங்கள்.....

ஜெய ஜெய சங்கர சிவ சிவ சங்கர ஹர ஹர சங்கர....!!!

போகர்

•••குற்றால மலையின் கெவுனக் குளிகைச் சித்தர் குகைக்குத் தென்மேற்கில் கூப்பிடு தூரத்தில் ஒரு பெரிய குண்டக்கல் உள்ளது .

••• அக்கல்லின் மீது ஏறினாலும் , அசைத்தாலும் அசையுமேயொழிய ஒரு போதும் உருளுவதில்லை அதைச் சுற்றிலும் தரையிலிருந்து பாறை அமைந்துள்ளது ....

••• கல்லின் மீது ஏறி ஈசான மூலை பார்க்க ஒரு வட்ட மரத்தினடியில் ஒரு மகான் நிட்டையில் இருப்பதையும் அருகில் ஒரு முலிகைச் செடியையும் காணலாம்....

••• இக்காட்சியைக் கல்லை விட்டுக் கீழே இறங்கினால் காண முடியாது....!!!

-- போகர் மலைவாகடம்

••• போகரென்று சொல்லவென்றால் லோகந்தன்னில்
பொங்கமுடன் கண்டவர்கள் தானடுங்க
யோகமுடன் திக்கெல்லாம் திரண்டுமல்லோ
எந்தனையுங் காணுதற்கு வெகுஜனங்கள்
சாங்கமுடன் கண்டல்லோ யடியேனுக்கு
சட்டமுடன் சோடசோபசாரஞ்செய்து
வேகமுடன் நிதியெடுக்க எந்தனைத்தான்
மேதினியில் அழைத்தவர்கள் கோடியாமே ..!!!
                                    ---போகர் ஏழாயிரம் பாடல் எண் 4413

..................

••• கண்ணான கண்மணியே போகநாதா
கைலாச ரிஷிகள்முதல் மெச்சும்பாலா
விண்ணுலகில் நவகோடி ரிஷிகள்தம்மில்
விருப்பமுடன் தேர்ந்தெடுத்த வினோதபாலா
தண்ணா சுடர்மணியே சூட்சாசூட்சம் தாரிணியில்
கற்றறிந்த லோகநாதா...
வண்ணமுடன் மேதினியில் கீர்த்திபெற்ற
வைராக்கியம் போகரென்று மதித்திட்டாரே
                                  பாடல் எண் 4480..

----------- BHOGAR ROCKS ISN'T HE???? ----------------

மஹாகவி சுப்ரமண்ய பாரதியார்

••• இப்பாடல் இன்றைய உலகின் ஒவ்வொரு விநாடி நடைமுறை நிகழ்வுகள் அனைத்திற்க்கும் நற்காரண விளக்கத்தைப் பொழிவது...!!!

••• பல தெய்வ தரிசனங்களைப் பெற்ற மஹாகவி பாரதியார் பிரபஞ்சத்தைக் காக்கும் அதர்வண வேத மந்திரங்களின் சாரத்தை இவ்வாறு விளக்குகின்றார்..!!!

••• “யாதுமாகி நின்றாய் காளீ எங்கும் நீ நிறைந்தாய் தீது ,
நன்மை எல்லாம் உந்தன் செயல்கள் அன்றி இல்லை....”

•••  -என்ற பாசுரத்தில் பலத்த ஆன்ம சக்தியுடன் உலகம் , ஜீவன்களின் படைப்பின் சாரத்தை ரத்தினச் சுருக்கமாய் பாரதியார் பெய்கின்றார்..

••• சூக்குமப் பிரளயம் பற்றிய நுண்ணிய விளக்கங்கள் , பாரதியாரின் இந்த அதர்வண வேதசக்தி கீதத்தில் நிறைந்துள்ளன .

••• ஆனால் இந்த அதர்வண வேதசக்தி கீதத்தின் சத்தியச் சாரத்தை உண்மையாப் புரிந்து கொள்ள வல்லார் யார் ???

     ---- ஸ்ரீஅகஸ்திய விஜயம் ஆகஸ்ட்2013 பக்கம்46

=======================================================

••• கலயுகத்தின் மகத்தான தீர்கதரிசியும் , காளி பக்தரும் , ராஜராஜசோழன் , பாஸ்கரராயர் போன்று காளியிடம் , பகவானிடம் , பகவதியிடம் நேருக்கு நேர் பேசும் பவித்ரப் புனிதங் கொழிக்கும் ஆன்மீக ஆற்றலைக் கொண்டவருமான ,மஹாகவி பாரதியாரும் ....,

••• “யாதுமாகி நின்றாய் காளீ எங்கும் நீ நிறைந்தாய் தீது ,
நன்மை எல்லாம்உந்தன் செயல்கள் அன்றி இல்லை....”

••• என்று தெய்வீக ஐஸ்வர்யமான அத்வைதத்தை , ரத்தினச் சுருக்கமாய் உரைத்தார் ...இந்த அற்புதமான சக்தித் துதியை முழுவதுமாக எழுதி வைத்து , படித்து , மனனம் செய்து , குறைந்தபட்சம்

••• வெள்ளி தோறும் மற்றும் நவராத்திரி தினங்களில் தினமும் 108முறை ஓதுதல் , பக்தியை விருத்தி செய்யும் ,,..

•••  வாழ்வில் நல்ல தெளிவு கிட்டும் ...குழந்தைகளுக்கு சாசுவதமான தேவியின் ரட்சைக் காப்பையும் அளிக்கும்...!!!
                  
 ••• ஸ்ரீஅகஸ்திய விஜயம் செப்டம்பர் 2014

=========================================================

••• மஹாகவி பாரதியார் ,தெய்வத் தீந்தமிழில் அருமையான “சங்கல்ப மந்திரம்” ஒன்றை அளித்துள்ளார் என்பது எவ்வுளவு பேருக்குத் தெரியும் ?இதனை எல்லாப் பூஜைகளிலும் ஓதிடலாம்..

••• கிருஷ்ண தரிசனத்தைப் பெற்றுத்தான் மஹாகவி பாரதியார் , அமுதினும் இனிய “காக்கைச் சிறகினிலே ........ கண்ணம்மா போன்ற திவ்யமான பாசுரங்களையும் பாடினார் என்பது பலரும் அறியாத ஆன்மீக ரகசியம் ..

•••பாரதி எனபது கலைவாணியாம் சரஸ்வதிக்கு உரித்தான திருநாமம் அல்லவா.

••• இவ்வாறு சித்தர்களின் போற்றல் முற்றத்தில் பரிமளிப்பவர். கலைமகளின் கடாட்சத்தைப் பெற்றவர் மஹாகவி சுப்ரமண்ய பாரதியார்.
  
 •••   ஸ்ரீஅகஸ்திய விஜயம் நவம்பர் 2014

உயிர்களெல்லாம் தெய்வமன்றிப் பிறவொன்றில்லை;
ஊர்வனவும் பறப்பனவும் நேரே தெய்வம்;
பயிலுமுயிர் வகைமட்டுமன்றி யிங்குப்
பார்க்கின்ற பொருளெல்லாம் தெய்வம் கண்டீர்;

வெயிலளிக்கும் இரவி, மதி, விண்மீன், மேகம்
மேலுமிங்குப் பலபலவாம் தோற்றங் கொண்டே
இயலுகின்ற ஜடப்பொருள்கள் அனைத்தும் தெய்வம்;
எழுதுகோல் தெய்வமிந்த எழுத்தும் தெய்வம் •••

செந்தமிழில் உலகத்தார்க் குணர்த்து கின்றேன்:
“வாசியைநீ கும்பகத்தால் வலியக் கட்டி,
மண்போலே சுவர்போலே, வாழ்தல் வேண்டும்;
தேசுடைய பரிதியுருக் கிணற்றி னுள்ளே
தெரிவதுபோல் உனக்குள்ளே சிவனைக் காண்பாய்;
பேசுவதில் பயனில்லை, அனுப வத்தால்
பேரின்பம் எய்துவதே ஞானம்”

யாமறிந்த புலவரிலே கம்பனைப்போல்,
வள்ளுவர்போல் , இளங்கோவைப்போல்,
பூமிதனில் யாங்கணுமே பிறந்ததிலை;
உண்மை ,வெறும் புகழ்ச்சியில்லை;
ஊமையராய்ச் செவிடர்களாய்க் குருடர்களாய்
வாழ்கின்றோம் ; ஒரு சொற்கேளீர்!
சேமமுற வேண்டுமெனில் தெருவெல்லாம்
தமிழ்முழக்கம் செழிக்கச் செய்வீர்!!!

---மஹாகவி சுப்ரமண்ய பாரதியார்

(உறக்கம்)…. (கனவு)-பாகம் -- (2)

••• இரவு உறங்கச் செல்லும் முன் நித்ரா தேவி காயத்ரி துதியையும் .. ராத்திரீ சூக்தத் துதியை [படத்தை காண்க] ஓதி விட்டு....., 

••• படுக்கையில் படுத்துவிட்டு ..., ஒவ்வொருவரும் அன்றைய நிகழ்ச்சிகளை , காலையில் எழுந்தது முதல் .... தன் மனக்கண் முன் ஒவ்வொன்றாகக் கொணர்தல் வேண்டும் . 

••• அது தினசரி நிகழ்ச்சிகளாக , கடமையாக , பல் துலக்குதல் , நீராடுதல் , பேப்பர் படித்தல் போன்றவையாக இருந்தாலும் கூட , அன்றைய நிகழ்ச்சிகளை மனக்கண் முன் தத்ரூபமாக அப்படியே கொணரும் போதுதான் ,

••• அவரவர் உருவம் , மனதினுள் நன்கு புலப்படலாகும் .. இந்த சயதேவவள தரிசனப் பாங்கையே “மனக்கண்ணாடிப் படனம் “ என்பர் ...

••• ஒவ்வொருவரும் தன் உருவத்தைக் கண்ணாடி இன்றித் தன்னுள் நன்றாகப் பார்க்க வல்ல யோகசக்திகளைப் பெறவும் [இவ்] ஆத்ம விசாரம் உதவிகின்றது...,

••• ஒருவர் தன்னுடைய அன்றாட நிகழ்ச்சிகளை மனக்கண் முன் கொணரும் போது , சில நிகழ்ச்சிக்கான காரணத்தை தன்னுள்ளேயே காணத் தொடங்குவதும் ஆத்ம விசாரமே!

••• இவ்வாறு அன்றன்றைய நிகழ்ச்சிகளை அன்றே ஆராய்கையில் தாம் , இறைச் சிந்தனையே இல்லாத இயந்திரமாக , அறிவுப் பாங்காய் , இயங்காத இயந்திர கதியாக , அலைபாயும் மனத்திடன் இயங்கியதைக் கண்டு அவரவர் வியப்பர் , வருந்துவர் , திருந்த முயல்வர்...

--- ஸ்ரீஅகஸ்திய விஜயம் அக்டோபர் 2003 , பக்கம் 46
==========================================================
••• june 24 பதிவை பார்த்தால் இத் துதியும் மேலும் . இவ் ஆத்ம விசாரமும் ஏன் முக்கியம் என்பது புனலாகும்....
••• [ https://www.facebook.com/photo.php?fbid=252989164905665&set=a.139784576226125.1073741828.100005837491824&type=1 ]



or in  ••• http://pulipanisithar.blogspot.in/2014/07/blog-post_683.html
=========================================================

••• மேலும் மிகச் சமீபத்தில் சென்ற ஜுலை20 ஆம் தேதி தஞ்சை “ஜீவ அருள் நாடி” “பொது” சத்சங்கம் பெங்களுருவில் நடந்த பொழுது. அடியென் அகத்தியெம் பிரானிடம் இக் கேள்வியை தான் கேட்டோம் ...,

••• “ ஐயா! வணக்கம் உத்தம ஆன்மீக நிலைகளில் ஒவ்வொரு மனிதருக்கும் ஒன்பது உடல்கள் உள்ளதாக ஒரு உத்தம குருவாய் மொழியை படித்தேன் . மேதாவி மகரிஷி கூட இந்த ஒன்பது உடல்களை பற்றி கூறியுள்ளார் ...,

ஒவ்வொரு மனிதரு அவர்-ருடைய தினசரி வாழிவில் இந்த ஒன்பது உடல்களிலும் மாறி மாறி வாழ்வதாக சொல்லப்படுது . அபந்த வாழ்க்கை எனப்படும் கனவு நிலை லோகங்களில் மனிதருடைய கர்ம பரிபாலனம் நடந்துட்டு இருக்குனு சொல்றாங்க .. சில நிலைகளில் இதே பூலோகத்தில் சில உடல்கள் உலாவுவதாகவும் . அவர்ரவர்க்குரித்தா கர்மபரிபாலனப்படி சில லோகங்களில் பல உடல்கள் உலவுவதாகவும் சொல்லப்படுது... இது பற்றின விளக்கம்

••• இதற்க்கு அகத்தியெம்பிரான் அளித்த விடை....,

••• தேகம் .., தேகத்திற்க்குள் இருக்கின்ற உயிர் அல்லது ஆத்மா இது தொடர்பாக மனிதன் தாம் தாம் உணர்ந்தவற்றை அவ்வவ்பொது கூறிவிட்டு செல்கிறான் .

••• அவைகளில் அனைத்தும் உண்மை என்றோ . அல்லது அனைத்தும் பொய் என்றோ எம்மால் கூற இயலாது..., சில உண்மைகளும் உண்டு .. சில உண்மைக்கு மாறான கருத்துக்களும் உண்டு...,

••• ஏனென்றால் அந்தந்த ஆத்மா எந்த அளவுக்கு அதனை புரிந்து கொண்டதோ அதனையே பிறருக்கு போதித்திருக்கிறது...,

••• எனினும் கூட நீ கூறியது போல அந்த எண்ணிகை நவத்தை (9) தாண்டிக் கூட தேகத்தின் பரிணாமம் இருக்கிறதப்பா .

••• அவையெல்லாம் பலவிதமான சூட்சும தேகம் என்று அழைக்கப்படுகிறது... அவை ஆத்மாவின் விதவிதமான வடிவங்கள் என்று சுறுக்கமாக நீ இத்தருணம் வைத்துக் கொள் .

••• இதுகுறித்து விளக்கமாக தக்க காலத்தில் கூறுவோம்....

அகமர்ஷண மகரிஷி

••• பிள்ளையாரைத் தாங்கும் பெரும் பீடாதிபதி !!! அகமர்ஷண மகரிஷி

••• சர்வலோக மகரிஷிகளும்...!!! ரிஷிபஞ்சமி நாளில் குழுமும் ரிஷிவந்தியம்...!!!

••• அவருடைய நாமம் பழுத்த குருபாத சக்திகளைக் கொண்டதாம்

••• விநாயகப் பெருமானின் விநாயக சுழி நாம் இடும் (உ) குறியிட்டுக்கு கீழ் இரண்டு கோடுகளை இட்டுத் தான் இடவேண்டும்...!!

••• அவ்விரு கோடுகளாய் ஒங்கார பீடத்தை தாங்குபவரே அகமர்ஷண மகரிஷி.....

••• அகமர்ஷண மகரிஷியை தியானித்து விநாயகர் சுழி இடுகையில் விநாயகப் பெருமானே ஆனந்தம் கொள்கிறார்...!!!!
=========================================================
••• பிள்ளையார் சுழியிட்டபின் அடியில் இரண்டு கோடுகள் இடுகின்றோமே இவ்விரு கோடுகளும் அகமர்ஷண மகரிஷியையே குறிக்கின்றன .., !!

••• பிள்ளையாரைத் தாங்கும் பெரும் பீடாதிபதி !!!

••• அனைத்துப் பீடாதிபதிகளும் தினமும் தம் பீடத்தில் அமரும் முன் வணங்கிப் போற்றும் அகமர்ஷண பீட மகரிஷி..!!

••• அனனத்து இறைத் தத்துவங்களுக்கும் முதல் அடி எடுத்துத் தருபவராக இன்றைக்கும் அகமர்ஷண மகரிஷி விளங்குகின்றார் .,

••• கும்பமேளா , மகாமகம் போன்ற பிரசித்தி பெற்ற தீர்த்த நீராடல்களில் அகஸ்தியர் உட்பட அனனத்து சித்தர்களும் , மகரிஷிகளும் , குழுமியிருக்க ,

••• முதன் முதலாக நதிக்குள் முதல் அடி எடுத்து வைத்துப் புனித நீராடலைத் துவக்குகின்றபெரும்பாக்கியத்தை , இறையருளால் பெற்றவரே ஸ்ரீஅகமர்ஷண மகரிஷி ஆவார்...!!

••• இவர் முதல் அடி எடுத்து வைத்தவுடன் தான் வசிஷ்டர் உள்ளிட்ட அனைவரும் தொடர்வர்.

••• இறைவனுடைய திருவடியையே தம்முடைய அகத்தினுள் வைத்திருப்பவரே அகமர்ஷண மகரிஷி.. ஆதலின் அவருடைய நாமம் பழுத்த குருபாத சக்திகளைக் கொண்டதாம்...!!!!

--- ஸ்ரீஅகஸ்திய விஜயம் டிசம்பர் 2003
==========================================================
••• ரிஷிபஞ்சமி சனிக்கிழமை...!!! [30-8-2014]

••• ரிஷிவந்தியத்தில் , ரிஷிபஞ்சமி நாளில் எண்ணற்றத் தவலோக அனுபூதிகள் இன்றும் என்றுமாய் நிகழ்கின்றன ..

••• திருஅண்ணாமலை அருகில் “ரிஷிவந்தியம்” என்ற சிவத் தலம் “ரிஷிகளின் கேந்திராலயம்” என்று சித்தர்களால் போற்றப்படிகின்ற – கோடானு கோடி மஹரிஷிகளின் போக்குவரத்து நிறைந்த தலம்

••• எனில் , இதனைத் தரிப்பதே பெரும் புண்ணியத்தால் வருவதன்றோ...!!!

••• மஹரிஷிகளும் , மாமுனிகளும் பூவுலகிற்கு முழுமையாக வந்தருளும் நாளே “ரிஷி பஞ்சமித் திதி” நாளாகும்...!!!

••• இத்தலத்தில் “ரிஷி பஞ்சமி” தினத்திலும் , மாதந்தோறும் பஞ்சமித் திதியிலும் அபிஷேக , ஆராதனைகள் செய்து லிங்கத்தில் தோன்றும் அம்பிகையின் ரூபத்தை மனதில் தியானித்து வந்தால் ....

••• அத்தனைக் கோடி மாமுனிகளும் பூஜித்த “சிவத் தருணம்” தத்ருபமாக உங்களுக்குள் தோன்றி ,குடும்பத்திலும் மங்கள சக்திகளை அளிக்குமே ...!!!

- ஸ்ரீஅகஸ்திய விஜயம் செப்டம்பர் 2005 இதழிலிருந்து...!!!
============================================================

••• “குருபக்தியை வளர்க்கும்” கருவளர்சேரி “குரு (பக்தி) வளர்ச்சேரியே !!!

••• சத்குருவின் பாதையிலேயே நடக்கச் செய்யும் அருட்தலம் தான் கருவளர்ச்சேரி ...,

•••இதனால் தான் கருவளர்சேரியில் குருபாத பூஜையை நிகழ்த்துவது விசேஷமான பலன்களைத் தருவதாகும் ,,,!!!

- ஸ்ரீஅகஸ்திய விஜயம் ஜுலை2008

உடலில் பதிந்திருக்கும் வேதபோதி சக்திகள்

                                                               
கூறுவேன் சடலமது என்னவென்றால்
........., !
குருபரனே எலும்பதனைக் காலாய் நாட்டி
மாறுபடா எலும்புக்கு துவாரமிட்டு
வண்மையுடன் நரம்பினால் வலித்துக்கட்டி
தேறுதலா யி(இ)ரத்தமதை உள்ளே ஊத்தி
தேற்றமுடன் அதன்மேலே தோலைமூடி
ஆறுதலாய் ஆவிதனை உள்ளடக்கி
அப்பனே தேகமென்ற கூறுண்டாச்சே.!!!
...........................

சொரூபமுள்ள நூலிதுதான் அதர்வணந்தான் ,
சூட்டினேன் லோகபதி மாண்பருக்கே

        ---    அகஸ்தியர் மாந்திரிக காவியம்

••• தாமரை நூலக வெளீயிடு (thamarainoolagam.com) எனைய அனெக பதிப்பகங்களிலும் கிடைக்கிறது...., படித்துப் பாருங்கள்....,

------------------------------------------------------------------------------------------------------

ஜய தமிழ் ஆண்டின் அருணாசல தீபத்தில் உற்பவிக்கும் வேதாக்னி கலசம்

•••ஜய தமிழ் ஆண்டின் அருணாசல மஹாகார்த்திகை தீபஜோதி பிரகாசத்தில் , அகத்தியகுலச் சித்தர்களின் திருவாய்மொழிப்படி , சூக்குமமான “வேத கலசம் தோன்றுவதாம் ....!!!

••• வேதஜோதிப் பிரகாசங்களைத் தாங்கி வரும் வேதாக்னிச் செம்புக் கலசம் இது. . தற்போது உலகில் பெரிதும் மறைந்து வருவது அதர்வண வேதம்..

••• இதற்க்குச் சூத்திர விளக்கங்களை எழுதிய அதர்வணர் , கௌஷீக ரிஷிகள் , அருணாசல தீபத்தில் தோன்றும் வேதஜோதி கலசத்தை வேதமாதா ஸ்ரீமஹாகாயத்திரீ தேவி தாங்கிட , 

••• மஹாகார்த்திகை தீபத்திரு நாளில் , “வேதமதி ஜோதிகலசம் “ என்றும் போற்றப் பெறும் இந்த அக்னிக் குடத்தை பூலோக ஜீவன்கள் சார்பாய்ப் பூஜிக்கின்றார்கள் அருணாசல தீபஜோதி சக்திகள் நிரவும் .

•••இஃதோடு , வேதங்களுக்குச் சூத்திரங்களை நல்கிய வேதமதி ரிஷிகள் , யுகயுகமாய் ஓதி வரும் வேதத்துதிப் பலன்களையும் தாங்கி வரும் அருணாசல தீபத்தை தரிசித்து , வேதசக்திமிகுந்த நல்வரங்களைப் பெற்றிடவும்...!!!

 ஜய தமிழ் வருடத்தின் தீபோத்சவத்தின் ஒவ்வொரு நாளுக்குமான

•வேதவகை •வேதமஹரிஷி •வேதபீஜம் •வேதத்தீர்த்தம் •வேதக்கோலம் •வேத மந்திரம் •வேதசமித்து •வேதநூல் •வேதத்தைலம் •வேத நட்சத்திரம் •வேதபட்சி •வேதபுஷ்பம் •வேதமுலிகை •வேதவிதி •வேதநாடி •வேதப்ரசாதம் •வேதாக்னி •வேதகோத்திரம் •வேதவாசி •வேதகோஷம் •வேதவதி போன்ற இருபத்தோரு •வேத கலாந்தரங்கள்• அளிக்கப்பட்டுள்ளன ..

••• இவையாவும் அவரவர் உடலில் பதிந்திருக்கும் வேதபோதி சக்திகளைக் குறிப்பவை .இவற்றில் பலவும் வேத ரகசியமானதால் விளக்கப் பெறவில்லை ....அந்தந்த தீபோத்சவ தினத்துக்கான இருபத்தோரு வேதபோதி சக்தி விளக்கங்களையும் படித்து வருவதும் .., நித்திய வேதசக்தி , நித்திய அருணாசலப் பூஜையே தவமே ...!!!

••• ஸ்ரீஅகஸ்திய விஜயம் டிசம்பர் 2014 பிரதி விலை 30/-.. இவ்வினைப்பில் காணும் இடங்களில் ஸ்ரீஅகஸ்திய விஜய மாத இதழை பெறலாம்... !!! http://www.agasthiar.org/store.htm